Saturday, April 11, 2009

ye tasallii hai ki hai.n naashaad sab


ye tasallii hai ki hai.n naashaad sab
mai.n akelaa hii nahii.n barabaad sab

sab kii Khatir hai yahaanN sab ajanabii
aur kahane ko hai.n ghar aabaad sab

bhuul ke sab ra.njishe.n sab ek hain
main bataauu.N sab ko hogaa yaad sab

sab ko daavaa-e-vafaa sab ko yaqeen
is adakaarii me.n hai.n ustaad sab

shahar ke haakim kaa ye faramaan hai
qaid me.n kahalaaye.nge aazaad sab

chaar lafzon men kaho jo bhii kaho
us ko kab furasat sune fariyaad sab

talkhiyaan kaise na ho ashaar men
ham pe jo guzarii hai ham ko yaad sab

ye teraa ghar ye meraa ghar kisii ko dekhanaa ho agar


ye teraa ghar ye meraa ghar kisii ko dekhanaa ho agar
to pahale aake maa.Ng merii nazar terii nazar
ye ghar bahut hasiin hai

na baadalon kii chaav me.n na chaandani ke gaaon men
na phuul jaise raaste bane hai.nis ke vaaste
magar ye ghar ajiib hai zamiin ke qariib hai
ye int pattharon kaa ghar hamaarii hasaraton kaa ghar

jo chaandani nahin to kyaa ye roshanii hai pyaar kii
dilon ke phuul khil gaye to fikr kyaa bahaar kii
hamaare ghar naa aayegii kabhii Khushii udhaar kii
hamaarii raahato.n kaa ghar hamaarii chaahato.n kaa ghar

yahaan mahak vafaao.n kii hai qah-qaho.n ka arang hai
ye ghar tumhaaraa Khvaab hai ye ghar merii uma.ng hai
na aarazuu pe qaid hai na hausale par ja.ng hai
hamaare hausale kaa ghar hamaarii himmaton kaa ghar

dil men mahak rahen hain kisii aarazuu ke phuul



dil men mahak rahen hain kisii aarazuu ke phuul
palakon me.n khilane vaale hai.n shaayad lahuu ke phuul

ab tak hai ko_ii baat mujhe yaad harf harf
ab tak mai.n chun rahaa huun kisii guftaguu ke phuul

kaliyaan chatak rahii thii ki aavaaz thii koii
ab tak sama'ato.n me.n hai ik Khush-guluu ke phuul

mere lahuu kaa rang hai har nok-e-Khaar par
seharaa me.n har taraf hai merii justajuu ke phuul

diivaane kal jo log the phuulo.n ke ishq men
ab un ke daamano.n me.n bhare hai.n rafuu ke phuul










dard ke phuul bhii khilate hain bikhar jaate hain


dard ke phuul bhii khilate hain bikhar jaate hain
zaKhm kaise bhii ho.n kuchh roz me.n bhar jaate hai.n

us dariiche me.n bhii ab ko_ii nahiin aur ham bhii
sar jhukaa_e hu_e chup-chaap guzar jaate hai.n

raastaa roke kha.Dii hai yahii ulajhan kab se
ko_ii puuchhe to kahe.n kyaa ki kidhar jaate hai.n

narm aavaaz bhalii baate.n mohazzab lahaje
pahalii baarish me.n hii ye rang utar jaate hai.n

dasht parta hai miyan ishq mein ghar se pehle

chal diye uth k su-e-shahar-e-wafa ku-e-habib
puch lena tha kisi khak basar se pehle

ishq pehle bhi kiya hijr ka gam bhi dekha
itne tarpe hain na ghabraye na tarse pehle

ji bahalta hi nahin ab koi saat koi pal
rat dhalti hi nahin char pahar se pehle

ham kisi dar pe na thithak na kahin dastak di
saikaron dar the meri jan tere dar se pehle

chand se ankh mili ji ka ujala jaga
ham ko so bar hui subah sahar se pehle

aur to koi bas na chalega hijr k dard k maron ka


aur to koi bas na chalega hijr k dard k maron ka
subah ka hona dubhar kar dein rasta rok sitaron ka

jhuthe sikon mein bhi utha dete hain aksar sacha mal
shaklen dekh k sauda karna kam hai in banjaron ka

apni zuban se kuch na kahenge chup hi rahenge ashiq log
tum se to itna ho sakta hai pucho hal becharon ka

ek zara si bat thi jis ka charcha pohuncha gali gali
ham gumnamon ne phir bhi ehsan na mana yaron ka

dard ka khna chikh utho dil ka taqaza waza nibhao
sab kuchh sehna chup chup rahna kam hai izzatdaron ka

us sham wo rukhsat ka saman yad rahega

us sham wo rukhsat ka saman yad rahega
wo shahar wo kucha wo makan yad rahega

wo tis k ubhri thi idhar yad rahegi
wo dard k utha tha yahan yad rahega

ham shauq k shole ki lapak bhul jayenge
wo shama-e-fasurda ka dhuan yad rahega

kuch mir k abyat the kuch faiz k misre
ik dard ka tha jin main bayan yad rahega

jan bakhsh si thi us gulbarg ki tarawat
wo lams-e-aziz-e-do-jahan yad rahega

ham bhul sak hain na tujhe bhul saknge
tu yad rahega hamen han yad rahega

jog bijog ki baten jhuti sab ji ka bahlana ho

jog bijog ki baten jhuti sab ji ka bahlana ho
phir bhi ham se jate jate ek gazal sun jana ho

sari duniya aql ki bairi kaun yahan par sayana ho
nahaq nam dharen sab ham ko diwana diwana ho

tum ne to ik rit bana li sun lena sharmana ho
sab ka ek na ek thikana apna kaun thikana ho

nagri ngari lakhon dware har dware par lakh sukhi
lekin jab ham bhul chuk hain daman ka phailana ho

tere ye kya ji main ai khinch liye sharma kar hont
ham ko zahar pilane wali amrit bhi pilwana ho

ham bhi jhute tum bhi jhute ek isi ka sacha nam
jis se dipak jalana sikha parwana mar jana ho

sidhe man ko an daboche mithi baten sundar log
'Meer', 'Nazeer', 'kabir' aur 'Insha' sab ka ek gharana ho

rat k khwab sunayen kis ko rat k khwab suhane the


rat k khwab sunayen kis ko rat k khwab suhane the
dhundle dhundle chehre the par sab jane pahahane the

ziddi wahshi alhar chanchal mithe log rasile log
honth un k gazlon k misre ankhon main afsane the

ye larki to in galiyon main roz hi ghuma karti thi
is se un ko milna tha to is k lakh bahane the

ham ko sari rat jagaya jalte bujhte taron ne
ham kyun un k dar pe utre kitne aur thikane the

wahshat ki unwan hamari in main se jo nar bani
dekhenge to log kahenge 'Insha' ji diiwane the

ham un se agar mil baithte hain kya dosh hamara hota hai

ham un se agar mil baithte hain kya dosh hamara hota hai
kuch apni jasarat hoti hai kuch un ka ishara hota hai

katne lagin raten ankhon main dekha nahin palakon pe aksar
kabhi sham-e-gariban ka jugnu kabhi subah ka tara hota hai

ham dil ko liye har des phire is jins ka gahak mil na saka
ai banjaro ham log chale ham ko to khasara hota hai

ham apni zaban se kuch bhi kahen shayar hai khayalon se khelen
aajao to baham mil baithe kabhi hijr bhi pyara hota hai

daftar se uthe kaife main gaye kuch sher kahe kuch kafi pi
pucha jo muash ka "Inshaji" yun apna guzara hota hai

rukhsat hua wo baap se le kar khuda ka naam


rukhsat hua wo baap se le kar khuda ka naam
raah-e-wafa ki manzil-e-awwal hui tamaam
manzoor tha jo maaN ki ziyaarat ka intezaam
daaman se ashk pochh ke dil se kiya kalaam

izhaar-e-bekasi se sitam hoga aur bhi

dekha hameN udaas to gHam hoga aur bhi

dil ko saNbhaalta hua aakHir wo nau-nihaal

khaamosh maaN ke paas gaya surat-e-khyaal
dekha to aik dar meN hai baithi wo khasta haal
sakta so ho gaya hai, ye hai shiddat-e-malaal

tan men lahoo ka naam nahin, zard rang hai

goya bashar nahiN, koi tasveer-e-saNg hai

kya jaane kis kHayaal meN gum thi wo begunaah

noor-e-nazar pe deeda-e-hasrat se ki nigaah
juNbish hui laboN ko, bhari aik sard aah
li gosha haai chashm se ashkoN ne rukh ki raah

chehre ka raNg haalat-e-dil kholne laga

har moo-e-tan zabaaN ki tarah bolne laga

aakHir, aseer-e-yaas ka qufal-e-dahan khula

afsana shadaayed-e-raNj-o-mahan khula
ik daftar-e-muzaalim-e-charkH-e-kuhan khula
wa tha dahaan-e-zakHm, ke baab-e-sukHan khula

dard-e-dil-e-gHareeb jo sarf-e-bayaann hua

khoon-e-jigar ka raNg sukHan se ayaan hua

ro kar kaha; kHamoosh khaRhe kyun jo meri jaan?

maiN jaanti hooN, kis liye aaye ho tum yahaan
sab ki kHushi yahi hai to sahra ko ho rawaan
lekin maiN apne muNh se na hargiz kahooNgi "haan"

kis tarah ban meN aaNkh ke taare ko bhej doon?

jogi bana ke raaj dulaare ko bhej doon?

duniya ka ho gaya hai ye kaisa lahoo safed?

aNdha kiye hue hai zar-o-maal ki ummid
anjaam kya hua? koi nahin jaanta ye bhed
soche bashar, to jism ho larzaan misaal-e-beid

likkhi hai kya hayaat-e-abad in ke waaste?

phaila rahe hain jal ye kis din ke waaste?

leti kisi faqeer ke ghar men agar janam

hote na meri jaan ko samaan ye baham
Dasta na saaNp ban ke mujhe shaukat-o-hasham
tum mere laal, the mujhe kis saltanat se kam

maiN kHush hoon, phoonk de koi is takht-o-taaj ko

tum hi nahiN, to aag lagaaooN-gi raaj ko

kin kin riyaazatoN se guzaare hain maah-o-saal

dekhi tumhaari shakal jab ai mere nau-nihaal!
pura hua jo byaah ka armaan tha kamaal
aafat aayi mujh pe, hue jab safed baal

chhoot-ti hoon unn se, jog lena jin ke waaste

kya sab kiya tha maine issi din ke waaste?

aise bhi naa-muraad bahut aayenge nazar

ghar jin ke be chiraagH rahe aah! umr bhar
rahta mera bhi nakhl-e-tamanna jo besamar
ye jaaye sabar thi, ke dua meN nahiN asar

lekin yahaan to ban ke muqaddar hi bigarh gaya

phal phool la ke baagH-e-tamanna ujaRh gaya

sarzad hue the mujh se kHuda jaane kya gunaah

manjhdaar men jo yun meri kashti hui tabah
aati nazar nahiN koi aman-o-amaaN ki raah
ab yaan se kooch ho to adam meN mile panaah

taqseer meri, khaaliq-e-aalam bahal kare

aasaan mujh gHareeb ki mushkil ajal kare

sun kar zabaan se maaN ki ye faryaad dard khez

uss kHastaH jaaN ke dil pe gham ki tegh-e-tez
aalam ye tha qareeb, ke aaNkheN hon ask rez
lekin hazaar zabt se rone se ki gurez

socha yahi, ke jaan se bekas guzar na jaaye

nashaad hum ko dekh kar maan aur mar na jaaye

phir arz ki ye maadar-e-nashaad ke huzoor
mayuus kyuN haiN aap? alam ka hai kyun wafoor?
sadma ye shaaq aalam-e-peeri hai zaroor

lekin na dil se kijiye sabr-o-qaraar door

shayad khizaaN se shakal ayaaN ho bahaar ki

kuchh maslahat isi meN ho parwardigaar ki

ye jaal, ye fareb, ye saazish, ye shor-o-shar
ho na jo hai, sab uss ke bahaane haiN sar ba sar
asbbab-e-zaahiri haiN, na in par karo nazar

kya jaane kya hai pardaa-e-qudrat meN jalwa-gar

khaas uss ki maslahat koi pahchaanta nahin

manzoor kya use hai? koi jaanta nahin

rahat ho ya ke ranj, khushi ho ke inteshaar
waajib har aik raNg meN hai shukar-e-kirdgaar
tum hi nahiN ho kushta-e-neeraNg-e-rozgaar

matam kadda meN dahar ke lakhoN hain sogwaar

sakhti sahi nahin, ke uthai karhi nahin

duniya men kya kisi pe musibat parhi nahin

dekhe hain is se barh ke zamaane ne inqilaab
jin se ke begunaahoN ki umreN huiN kharaab
soze-daroon se qalb-o-jigar ho gaye kabaab

peeri miTi kisi ki, kisi ka miTa shabaab

kuchh ban nahiN parha, jo naseebe bigarh gaye

wo bijliyaaN giriN, ke bhare ghar ujarh gaye

maan baap munh hi dekhte the ji ka har gharhi
qaayam thiN jin ke dam se umeeden barhi bari
daman pe jin ke gard bhi uRh kar nahin pari

maari na jin ko kHwaab meN bhi phool ki chhari

mahroom jab wo gul hue rang-e-hayaat se

un ko jala ke kHaa kiya apne haat se

kahte the log dekh ke maan baap ka malaal
in be-kasoN ki jaan ka bachna hai ab muhaal
hai kibirya ki shaan, guzarte hi maah-o-saal

kHud dil se dard-e-hijr ka miT-ta gaya khyaal

haan kuchh dinon to nauha wa maatam hua kiya

aakhir ko ro ke baiTh rahe, aur kya kiya ?

parhta hai jis ghareeb pe ranj-o-mahan ka baar
karta hai uss ko sabar ata aap kirdaar
maayoos ho ke hote haiN insaan gunaah-gaar

ye jaante nahiN, wo hai dana-e-rozgaar

insaan uss ki raah men saabit-e-qadam rahe

gar din wahi hai, amr-e-raza meN jo kHam rahe

aur aap ko to kuchh bhi nahiN raNj ka muqaam

baad-e-safar watan meN ham aayeNge shaad kaam
hote haiN baat karne meN chaudhwan (14) baras tamaam
qaayam umeed hi se hai, duniya hai jis ka naam

aur yuN kahin bhi ranj-o-bala se mafar nahin

kay hoga do ghaRhi meN kisi ko kHabar nahin

aksar riyaaz karte hain phoolon pe baaghbaan

hai din ki dhoop, raat ki shabnam unhe giraan
lekin jo raNg baagH badalta hai na guhaan
wo gul hazaar pardoN meN jaate haiN raygaan

rakhte haiN jo azeez unhe apni jaan ki tarah

milte haiN dast-e-yaas wo barg-e-kHezaan ki tarah

lekin jo phool khilte haiN sahra men beshumaar

mauqoof kuchh riyaaz pe un ki nahiN bahaar
dekho ye chaman aaraaye rozgaar
wo abr-o-baad-o-baraf meN rahte haiN baqaraar

hota haiun pe fasal jo rabbe kareem ka

mauj-e-sumoom banti hai jhoNka naseem ka

apni nigaah hai karam-e-karsaaz par

sahra chaman banega, wo hai meharbaan agar
jangal hoya pahaaRh, sagfar ho ke ho hazar
rahta nahiN wo haal se bande ke be khabar

uss ka karam shareek agar hai to gHam nahin

daamaan-e-dasht, daaman-e-maadar se kam nahin

Friday, April 10, 2009

fanaa kaa hosh aanaa zindagii kaa dard-e-sar jaanaa

fanaa kaa hosh aanaa zindagii kaa dard-e-sar jaanaa
ajal kyaa hai Khumaar-e-baada-e-hastii utar jaanaa

musiibat meN bashar ke jauhar-e-mardaanaa khulte hain
mubaarak buzdilon ko gardish-e-qismat se Dar jaana

abohat saudaa rahaa vaaez tujhe naar-e-jahannum kaa
mazaa soz-e-mohabbat kaa bhii kuchh ae bekhabar jaanaa

agar dard-e-muhabbat se na insaan aashnaa hota


agar dard-e-muhabbat se na insaan aashnaa hota
ana marne kaa mazaa hotaa, na jine kaa mazaa hotaa

hazaaron jaan dete hain buton ki bevafaai par
agar un men se koi baa-vafaa hotaa to kyaa hotaa


dam bhar bhi mit jaatii khalish-khaar tamanna
dil hasrat talab ko apnii hastii hai gilaa hota

ye maana be-hijaabaana nigaahen qahr karti hain
magar husn-e-hayaparvar kaa aalam duusra hota

dard-e-dil pas-e-vafa jazba-e-iman hona

dard-e-dil pas-e-vafa jazba-e-iman hona
adamiyat yahi hai aur yahi insan hoa

nau-giraftar-e-bala tarz-e-fugan kya janen
koi nashad sikha de inhen nalan hona

rah ke duniya men yun tark-e-havas ki koshish
jis tarah apne hi saye se gurezan hona

zindagi kya hai anasir main zahur-e-tartib
maut kya hai inhin ijza ka pareshan hona

dil asiri main bhi azad hai azadon ka
valvalon ke liye mumkin nahin zinda hona

gul ko pamal na kar lal-o-gauhar k malik
hai ise turah-e-dastar-e-gariban hona

hai mera zabt-e-junun josh-e-junun se bharkar
nang hai mere liye chak gareban hona














aai na phir nazar kahin jaane kidhar gai

aai na phir nazar kahin jaane kidhar gai
un tak to saath gardish-e-shaam-o-sahar gai

kuchh itanaa besabaat thaa har jalvaa-e-hayaat
laut aai zaKhm khaa ke jidhar bhii nazar gai

aa dekh mujh se ruuthane vaale tere bagair
din bhii guzar gayaa merii shab bhii guzar gai

naadim hai apane apane qariinon pe har nazar
duniyaa lahuu uchchhaal ke kitanii nikhar gai

Thursday, April 9, 2009

kabhi mujh ko sath lekar, kabhi mere sath chal kar

kabhi mujh ko sath lekar, kabhi mere sath chal kar
vo badal gaye achanak meri zindagi badal kar

huye jis pe meharaban tum koi khushnasib hoga
meri hasraten to nikalin mere ansuon main dhal k

teri zulf-o-ruKh k qurban dil-e-zar dhundta hai
vahi champai ujale vahi surmai dhundalake

koi phul ban gaya hai koi chand koi tara
jo chirag bujh gaye hain teri anjuman main jal k

mere dosto Khudara mere sath tum bhi dhundo
vo yahin kahin chupe hain mere gam ka rukh badal k

teri bejhijhak hansi se na kisi ka dil ho maila
ye nagar hai ainon ka yahan sans le sambhal k

kyon hijr ke shikave karataa hai kyon dard ke rone rotaa hai

kyon hijr ke shikave karataa hai kyon dard ke rone rotaa hai
ab ishq kiyaa hai to sabr bhii kar is me.n to yahii kuchh hotaa hai

aagaaz-e-musiibat hotaa hai apane hii dil kii sharaarat se
aa.Nkho.n me.n phuul khilaataa hai talavo.n me.n kaanten botaa hai

ahabaab kaa shikavaa kyaa kiijiye Khud zaahir va baatin ek nahii.n
lab uupar uupar ha.Nsate hai.n dil andar andar rotaa hai

mallaaho.n ko ilzaam naa do tum saahil vaale kyaa jaano.n
ye tuufaan kaun uThaataa hai ye kishtii kaun Dubotaa hai

kyaa jaane kyaa ye khoyegaa kyaa jaane kyaa ye paayegaa
mandir kaa pujaarii jaagataa hai masjid kaa namaazii sotaa hai

raqqaasaa uthii hai magrib se ghaTaa

uthii hai magrib se ghataa
piine kaa mausam aa gayaa

hai raqs me.n ik maah-laqaa
naazuk adaa naaz aafriin

haan naachatii jaa gaaye jaa
nazaro.n se dil baramaaye jaa

tadapaaye jaa tadapaaye jaa
o dushman-e-duniyaa-o-diin

teraa thirakanaa Khuub hai
terii adaaye.n dil-nashiin

lekin Thahar tuu kaun hai
o niim-uriyaa.N naazanii.n

kyaa mashriqii aurat hai tuu
hargiz nahii.n hargiz nahii.n

terii hansii bebaak hai
terii nigaah chaalaak hai

uff kis qadar dil-soz hai
taqariir baazaarii terii

kitanii havas aamez hai
ye saadaa purkaarii terii

sharm aur izzat vaaliyaan
hotii hai.n iffat vaaliyaan

vo husn kii shahzaadiyaan
parde kii hai.n aabaadiyaan

chashm-e-falak ne aaj tak
dekhii nahii.n un kii jhalak

sarmaayaa-e-sharm-o-hayaa
zevar hai un ke husn kaa

shohar ke dukh sahatii hai.n v
omuu.Nh se nahii.n kahatii hai.n vo

kab saamane aatii hain vo
Gairat se kaT jaatii hain vo

aziiyat-e-millat un se hai
naam-e-sharaafat un se hai

imaam par qaayam hain vo
paakiizaa-o-saayam hai.n vo

tujh men nahin sharm-o-hayaa
tujh men nahii.n mahar-o-vafaa

sach sach bataa tuu kaun hai
o behayaa tuu kaun hai

ye pur-fasuun Gamze tere
naa-maharamon ke saamane

haT saamane se duur ho
maraduud ho maqhuur ho

taqadiir kii heTii hai tuu
shaitaan kii beTii hai tuu

jis qaum kii aurat hai tuu
us qaum par laanat hai tuu

lekin Thahar jaanaa zaraa
terii nahin ko_ii Khataa

mardon men Gairat hii nahii.n
qaumii hamiiyat hii nahiin

vo millat-e-baizaa kii thii
saare jahaa.N kii raushanii

jaamiyat-e-islaamiyaan
shahanshaah-e-hindustaan

ab is men dam kuchh bhii nahii
nham kyaa hai.n ham kuchh bhii nahin

millii siasat uth gaii
baazuu kii taaqat uth gaii

shaan-e-hejaazii ab kahaan
vo turk-taazii ab kahaan

ab Gazanavii himmat gai
ab baabarii shaukat gai

lekin mujhe kyaa Khabt hai
taqariir kyo.n berabt hai

itanaa sharaabii ho gaya
aaql-o-Khirad bhii kho gayaa

mujhako zamaane se Garaz
miTane miTaane se Garaz

hindustaan se kaam kya
aandeshaa-e-islaam kyaa

jine do jiine do mujhe
piine do piine do mujhe

jab hashr kaa din aayega
aus vaqt dekhaa jaayegaa

haan naachatii jaa gaaye jaa
nazaron se dil baramaaye jaa

tadapaaye jaa tadapaaye jaa
dushman-e-duniyaa-o-diin

ye kyaa muqaam hai vo nazaare kahaan gaye

ye kyaa muqaam hai vo nazaare kahaan gaye
vo phuul kyaa huye vo sitaare kahaan gaye

yaaraan-e-bazm-e-jurr'at-e-ri.ndaanaa kyaa hu_ii
un mast a.nkha.Diyo.n ke ishaare kahaan gaye

ek aur daur kaa vo taqaazaa kidhar gayaa
umade huye vo hosh ke dhaare kahaan gaye

uTh uTh ke baiTh chukii gard raah kii
yaaro qaafile thake haare kahaan gaye

betaab tere dard se the chaaraagar "Hafeez"
kyaa jaaniye vo dard ke maare kahaan gaye

ye to nahin ke Gam nahin

ye to nahin ke Gam nahin
haa merii aankh nam nahin
tum bhi to tum nahin ho aaj
ham bhi to aaj ham nahii.n
ab na Khushi ki hai Khushi
Gam kaa bhi ab to Gam nahin
maut agarche maut hai
maut se ziist kam nahin

hijaabon men bhii tuu numaayaan numaayaan

hijaabon men bhii tuu numaayaan numaayaan
farozaaN farozaaN daraKhshaaN darakhshaan

tere zulf-o-ruKh ka badal dhuundtaa hun
shabistaan shabistaan charaaghaan charaaghaan

Khad-o-khaal kii tere parchhaaiyaan hain
KhayaabaaN KhayaabaaN gulistaann gulistaan

junuun-e-muHabbat un aankhon kii wahshat
bayaabaaN bayaabaaN Ghazalaan Ghazalaan

lapat mushk-e-gesuu kii taataar taataar
damak la’l-e-lab kii badakshaan badakshaan

vahii ek tabassum chaman dar chaman hai
vahii pankhurii hai gulistaan gulistaan

saraasar hai tasviir jam’eeton kii
muHabbat kii duniyaa harasaan harasaan

chiraagh-e-tuur jalaao baraa andheraa hai

chiraagh-e-tuur jalaao baraa andheraa hai
zaraa naqaab uthaao baRaa andheraa hai

mujhe Khud apnii nigahoN pe ait’maad nahiin
mere kariib na aao baRaa andheraa hai

vo jin ke hote hai Khurshid aastiinon me
NunheN kahiiN se bulaao baRaa andheraa hai

ye jo hai hukm mere pas na aye koi


ye jo hai hukm mere pas na aye koi
is liye ruth rahe hain k manaye koi

tak main hai nigah-e-shauq khuda khair kare
samane se mere bachta hua jaye koi

hal aflaq-o-zamin ka jo bataya bhi to kya
bat vo hai jo tere dil ki bataye koi

apne 'Dag' ko munh bhi na lagaya afsos
us ko rakhta tha kaleje se lagaye koi

ho chuka aish ka jalsa to mujhe khat bheja
ap ki tarah se mehaman bulaye koi

un k ek jan-nisar ham bhi hain

un k ek jan-nisar ham bhi hain
hain jahan sau-hazar ham bhi hain

tum bhi bechain ham bhi hain bechain
tum bhi ho beqarar ham bhi hain

ai falaq kah to kya irada hai
aish k khvastagar ham bhi hain

shahar khali kiye dukan kaisi
ek hi vada-khvar ham bhi hain

sharm samajhe tere tagaful ko
vah! kya hoshiyar ham bhi hain

tum agar apni khu k ho mashuq
apne matlab k yar ham bhi hain

jis ne chaha phansa liya hamko
dil-baron k shikar ham bhi hain

kaun sa dil hai jis main dag nahin
ishq ki yadgar ham bhi hain

ye jo hai hukm mere paas na aaye ko_ii

ye jo hai hukm mere paas na aaye ko_ii
is liye ruuTh rahe hai.n ki manaaye ko_ii

taak me.n hai nigah-e-shauq Khudaa Khair kare
saamane se mere bachataa huaa jaaye ko_ii

haal afalaaq-o-zamii.n kaa jo bataayaa bhii to kyaa
baat vo hai jo tere dil kii baataaye ko_ii

aapane 'Daag' ko muu.Nh bhii na lagaayaa afsos
us ko rakhataa thaa kaleje se lagaaye ko_ii

ho chukaa aish kaa jalasaa to mujhe Khat bhejaa
aap kii tarah se mehamaan bulaaye ko_ii

Wednesday, April 8, 2009

us kii hasarat hai jise dil se miTaa bhii na sakuun


us kii hasarat hai jise dil se miTaa bhii na sakuu.N
Dhuu.NDhane us ko chalaa huu.N jise paa bhii na sakuu.N

Daal kar Khaak mere Khuun pe qaatil ne kahaa
kuchh yeh mehandii nahii.n merii ke miTaa bhii na sakuu.N

zabt kam_baKht ne aur aa ke galaa gho.N Taa hai
ke use haal sunaa_uu.N to sunaa bhii na sakuu.N

us ke pahaluu me.n jo lejaa ke sulaa duu.N dil ko
niind aisii use aaye ke jagaa bhii na sakuu.N

naqsh-e-paa dekh to luu.N laakh karuu.Ngaa sajade
sar meraa arsh nahii.n hai ki jhukaa bhii na sakuu.N

bevafaa likhate hai.n vo apanii kalam se mujh ko
ye vo qismat kaa likhaa hai jo mitaa bhii na sakuu.N

is tarah soye hai.n sar rakh ke mere zaano.n par
apanii so_ii hu_ii qismat ko jagaa bhii na sakuu.N

Acha aisa ho marizoo ka Khayal acha hai


Acha aisa ho marizoo ka Khayal acha hai

hum mar jate hain tum kahte ho hal acha hai

tujh se maNgoN mai tujhi ko ki sab kuch mil jaye

soo sawaloon se yahi ek sawal acha hai

dekh le bul-bul-o-perwane ki betabi ko

hijr acha na hasinoo ka wisal acha hai

aa gaya us ka tasawor to pukara ye shaoq

dil main jam jaye Elahi ye Khayal acha hai

tund mai aur aise kam_sin ke liye


tund mai aur aise kam_sin ke liye
saaqiyaa halkii sii laa in ke liye

mujh se ruKhsat ho meraa ahad-e-shabaab
yaa Khudaa rakhanaa naa us din ke liye

hai javaanii Khud javaanii kaa singaar
saadagii gahanaa hai is sin ke liye

sab hasii.n hai.n zaahido.n ko naapasand
ab ko_ii huur aayegii in ke liye

vasl kaa din aur itanaa muKhtasar
din gine jaate the is din ke liye

saarii duniyaa ke hai.n vo mere sivaa
mai.n ne duniyaa chho.D dii jin ke liye

laash par ibarat ye kahatii hai 'Ameer'
aaye the duniyaa me.n is din ke liye

zist azar hui jati hai

zist azar hui jati hai
sans talwar hui jati hai

jism bekar hua jata hai
ruh bedar hui jati hai

kan se dil main utarati nahi bat
aur guftar hui jati hai

dhal ke nikli hai haqiqat jab se
kuch purasrar hui jati hai

ab to har zakhm ki munband kali
lab-e-izhar hui jati hai

phul hi phul hain har simt 'Nadeem'
rah dushwar hui jati hai

kis ko qatil main kahun kis ko masiha samjhun

kis ko qatil main kahun kis ko masiha samjhun
sab yahan dost hi baithe hain kise kya samajhun

wo bhi kya din the k har waham yaqin hota tha
ab haqiqat nazar aye to use kya samajhun

dil jo tuta to kai hath dua ko uthe
aise mahul main ab kis ko paraya samjhun

zulm ye hai ke hai yaqta teri begana ravi
lutf ye hai ke main ab tak tujhe apna samjhun


kaun kahata hai ke maut ai to mar jaunga

kaun kahata hai ke maut ai to mar jaunga
main to darya hun samandar mein utar jaunga

tera dar chor ke main aur kidhar jaunga
ghar mein ghir jaunga sahara mein bikhar jaunga

tere pahlu se jo uthunga to mushkil ye hai
sirf ik shaKhs ko paunga jidhar jaunga

ab tere shehar mein aunga musafir ki tarah
saya-e-abr ki manind guzar jaunga

tera paiman-e-wafa rah ki divar bana
warna socha tha ke jab chahunga mar jaun ga

charasazon se alag hai mera mayar ke main
zaKhm khaunga to kuch aur sanvar jaun ga

ab to Khurshid ko dube hue sadiyan guzrin
ab use dhundne main ta-ba-sahar jaunga

zindagi shamma ki manind jalata hun 'Nadeem'
bujh to jaunga magar subah to kar jaunga

ye aarazuu thii tujhe gul ke ruu-ba-ruu karate

ye aarazuu thii tujhe gul ke ruu-ba-ruu karate
ham aur bul bul-e-betaab guftaguu karte

payaam bar na mayassar huaa to Khuub huaa
zabaan-e-Gair se kyaa shar kii aarazuu karate

merii tarah se maah-o-mahar bhii hain avara
kisii habiib ko ye bhii hain justajuu karate

jo dekhate terii zanjeer-e-zulf kaa aalam
asiir hone ke aazaad aarazuu karate

na puuchh aalam-e-baragashtaa taali-e-"Aatish"
barasatii aag main jo baaraaN kii aarazuu karate

yaar ko main ne mujhe yaar ne sone na diyaa


yaar ko main ne mujhe yaar ne sone na diyaa
raat bhar taali-e-bedaar ne sone na diyaa

ek shab bul bul-e-betaab ke jaage na nasiib
pahaluu-e-gul main kabhii Khaar ne sone na diyaa

raat bhar kii dil-e-betaab ne baatain mujh se
mujh ko is ishq ke biimaar ne sone na diyaa

yaar ko main ne mujhe yaar ne sone na diyaa
raat bhar taali-e-bedaar ne sone na diyaa

ek shab bul bul-e-betaab ke jaage na nasiib
pahaluu-e-gul main kabhii Khaar ne sone na diyaa

raat bhar kii dil-e-betaab ne baatain mujh se
mujh ko is ishq ke biimaar ne sone na diyaa

sun to sahii jahaan main hai teraa fasaanaa kyaa


sun to sahii jahaan main hai teraa fasaanaa kyaa
kahti hai tujh se Khalq-e-Khudaa Gaibanaa kya

zina saba kaa Dhundati hai apni musht-e-Khaak
baam-e-baland yaar ka hai astana kya

ati hai kis tarah se meri kabz-e-ruuh ko
dekhun to maut dhund rahe hai bahana kya

betab hai kamal hamara dil-e-aziim
mahmaan saray-e-jism ka hoga ravana kya

tarapate hain na rote hain na ham fariyaad karate hain

tarapate hain na rote hain na ham fariyaad karate hain
sanam kii yaad main har dam Khudaa ko yaad karate hain

unhiin ke ishq main ham naalaa-o-fariyaad karate hain
ilaahii dekhiye kis din hamain vo yaad karate hain

shab-e-furqat main kyaa kyaa saanp laharaate hain
siine par tumhaarii kaakul-e-pechaan ko jab ham yaad karate hain

Saturday, April 4, 2009

kartaa hun jam’aa main to bikhartii hai zaat aur

kartaa hun jam’aa main to bikhartii hai zaat aur
baaqii hai kitnii ai mere maulaa, ye raat aur !

letii hai jaltii sham’aa bhii bujhne meN kuch to vaqt
hai aadmii saa ko’ii kahaan be-sabaat aur

sailaab jaise letaa hai diivaar ke qadam
kartaa hai Gham bhii dil se ko’ii vaardaat aur

yun to huzuur-e-paak (saw) ke laakhon hain madda’khvaan
taa’ib sii likh rahaa hai magar kaun na’at aur

mazhar, az’l ke husn ke “Amjad” hain be-shumaar
lekin jo dekhiye to hai baarish kii baat aur

Mohabbat Tor Sakti hai

koi zangeer ho
aahan ki, chandani ki,
riwayat ki mahaubat toR sakti hai
yeh aisi dhaal hai jis per
zamanay ki kisi talwaar ka sika nahi chalta
agar chasm-e-tamasha may zara si milaawat ho
yeh aaiina nahi chalta
yeh aisi aag hai jis may
badan showloN may jaltay haiN to rooheiN muskurati hain
yeh woh selaab hai jis ko
dilon ki bastiyaaN aawaaz day kar khud bulaati hain
yeh jub chahay kisi bhi khuwab ko taabir mil jaye
jo manzar bujh chukay hain in ko bhi tanweer mill jaye
dua jo be thikaana thi usay taaseer mill jaye
kisi rishtay may raasta poochti taqdeer mill jaye
mahaubat rok sakti hai kisi girtay sitaray ko
yeh chakna choor aaiinay ki kirchein jor sakti hai
jidhar chahein yeh baagein mor sakti hai
koi zanjeer ho us ko mahaubat tor sakti hai

Titliyoon ka mosam

titliyoon ka mosam main noochna gulaboon ka
reet iss nagar kee hai aur jana kab sa hai
daikh kar parindoon ko baandhna nishanoon ka
reet iss nagar ke hai aur jana kab sa hai

shahar ka yeh bashinda, nafratoon ko boo kar bhi
intizaar karta hain , fasal ho mohabbat kee
bhool kar hakeekat ko, dhoondna suraboon ka
reet iss nagar kee hai aur jana kab sa hai

tum abhee naya ho na, isee liya parashaan ho
aasmaan kee janib, iss tarha mat dakhooo
aaftain jab aani hoon, tootna sitaroon ka
reet iss nagar kee hai aur jana kab sa hai

khamooshi mara shawa, guftagoo hunar un ka
mari ba-gunahi ko looog kasa manain gay
baat baat par maangna jawaboon kaa
reet iss nagar kee hai aur jana kab sa hai

ajnabi fizayoon main, ajnabi musafir sa
apna har tayalluq ko daimee bana lana
bicharna jab uss ka too maangna duayoon ka
reet iss nagar ka hai aur jana kab sa hai