Wednesday, December 31, 2008

baad muddat use dekhaa, logo

baad muddat use dekhaa, logo
vo zaraa bhii nahiiN badlaa, logo

Khush na thaa mujhse biChhaD kar vo bhi
iuske chehre pe likhaa thaa logo

uskii aaNkheN bhii kahe detii thiin
raat bhar vo bhii na soyaa, logo

ajnabii ban ke jo guzraa hai a bhi
thaa kisii vaqt meN apnaa, logo

dost to Khair, koii kis kaa hai
usne dushman bhii na samjhaa, logo

raat vo dard mere dil meN uthaa
subah tak chain na aayaa, logo
ham hii meN thii na koii baat yaad na tumko aa sake
tumne hameN bhulaa diyaa ham na tumheN bhulaa sake

tum hii na sun sake agar, qissa-e-Gam sunegaa kaun
kiskii zubaaN khulegii phir, ham na agar sunaa sake

hosh meN aa chuke the ham, josh meN aa chuke the tum
bazm kaa rang dekh kar sar na magar uThaa sake

raunaq-e-bazm ban gaye, lab pe hikaayateN rahiiN
dil meN shikaayateN rahiiN, lab na magar hilaa sake

ijz se aur baDh gaii barhamii-e-mizaaj-e-dost
ab voh kare ilaaj-e-dost jiskii samajh meN aa sake

shouq-e-visaal hai yahaaN, lab pe savaal hai yahaaN
kiskii majaal hai yahaaN ham se nazar milaa sake

ahle zubaaN to haiN bohat, koii nahiiN hai ahl-e-dil
kaun terii taraH Hafeez dard ke geet gaa sake

shaaiir hun meraa kaam nahiiN falsafaa-raanii

shaaiir hun meraa kaam nahiiN falsafaa-raani
khaltii hai mujhe Thhos nataaij ki garaani

insaan ki tasveer nayii ho ke puraanii
matloob mujhe husn hai aur husn-e-ma’ani

Allah ke bandoN se mujhe bair nahiin hai
yaani merii duniyaa meiN ko’ii Gair nahiiN hai

qaumoN ki hilaayakat ka hunar dekh rahaa hun
ye roz-o-shab-o-shaam-o-sahar dekh rahaa hun

Tuesday, December 23, 2008

Tujhe Kho kar bhii tujhe paauuN jahaaN tak dekhuun

Tujhe Kho kar bhii tujhe paauuN jahaaN tak dekhuun
husn-e-yazdaaN se tujhe husn-e-butaaN tak dekhuun

tuune yuuN dekhaa hai jaise kabhii dekhaa hii na thaa
maiN to dil meN tere qadmoN ke nishaaN tak dekhuun

sirf is shauq meN puuchii haiN hazaaroN baateN
maiN teraa husn, tere husn-e-bayaaN tak dekhuuN

vaqt ne zehn meN dhundhlaa diye tere khadd-o-Khaal
yuuN to maiN TuuTte taaroN kaa dhuaaN tak dekhuun

dil gayaa thaa to ye aaNkhen bhii ko’ii le jaataa
main faqat ek hii tasviir kahaan tak dekhuuN

ek haqiiqat sahii firdaus meN huuroN kaa vajuud
husn-e-insaan se nipat luuN to vahaan tak dekhuun

zamaanaa bahut bad-gumaan ho rahaa hai

zamaanaa bahut bad-gumaaN ho rahaa hai
kisii shaKhs kaa imtihaaN ho rahaa hai

suriiilii sadaayeN haiN ek shoKh kii sii
ilaahii ! ye jalsaa kahaaN ho rahaa hai

bahut hasrat aatii hai mujh ko ye sun kar
kisii par ko’ii meh’rbaaN ho rahaa hai

tire zulm-e-pinhaaN abhii kaun jaane?
faqat aasmaaN aasmaaN ho rahaa hai

in aaNkhoN ne is dil kaa kyaa bhed kholaa?
ke muztar meraa raazdaaN ho rahaa hai

sunuuN kyaa Khabar jashn-e-ishrat kaa qaasid ?
jahaaN ho rahaa hai vahaaN ho rahaa hai

vo haal-e-tabiiyat jo barsoN chhupaayaa
har ek shaKhs se ab bayaaN ho rahaa hai

ko’ii uR ke aayaa, ko’ii chhup ke aayaa
pashemaaN teraa paasbaaN ho rahaa hai

kahiiN do ghaRii aap shabnam meN soye
jo ruKh par arq dur-fishaaN ho rahaa hai

ye behoshiyaan “Dagh”, ye Khvaab-e-Ghaflat
Khabar bhii hai jo kuch vahaaN ho rahaa hai

Jhonka Idhar na aaye namim-e-bahaar kaa

jhonkaa idhar na aaye nasiim-e-bahaar kaa
naazuk bahut hai phuul charaaG-e-mazaar kaa

phir baiThe baiThe vaadaa-e-vasl us ne kar liyaa
phir uTh kha.Daa huaa vahii rog intazaar kaa

shaaKho.n se barg-e-gul nahii.n jha.Date hai.n baaG main
zevar utaar rahaa hai uruus-e-bahaar kaa

har gul se laalaazaar me.n ye puuchhataa huuN main
tuu hii pataa bataade dil-e-daaG_daar kaa

is pyaar se fishaar diyaa gor-e-tang ne
yaad aa gayaa mazaa mujhe aaGosh-e-yaar kaa

hilatii nahii.n havaa se chaman main ye Daaliyaan
muu.Nh chuumate hai.n phuul uruus-e-bahaar kaa

uThataa hai naazaa me.n vo sarahaane se ai 'Ameer'
miTataa hai aasaraa dil-e-ummiid_vaar kaa

Monday, December 22, 2008

6546545

654P54654651

aankhon mein jal rahaa hai kyuun bujhataa nahin dhuuan

aankhon mein jal rahaa hai kyuun bujhataa nahin dhuuan
uThataa to hai ghaTaa saa barasataa nahin dhuaan

chuulhaa nahin jalaaye yaa basti hi jal ga_ii
kuchh roz ho gaye hain ab uThataa nahin dhuaan

aankhon se ponchane se lagaa aanch kaa pataa
yuun cheharaa pher lene se chhupata nahin dhuaan

aankhon se aansuon ke maraasim puraane hain
mehamaan ye ghar men aayen to chubhataa nahin dhuaan

ab aksar chup-chup se rahe hain yuuN hii kabhuu lab khole hain

ab aksar chup-chup se rahe hain yuuN hii kabhuu lab khole hain
pahale "Firaq" ko dekhaa hotaa ab to bahut kam bole hain

din men ham ko dekhane vaalo apane apane hain auqaat
jaao na tum in Khusk aankhon par ham raaton ko ro le hain

fitarat merii ishq-o-muhabbat qismat merii tanhaa_ii
kahane kii naubat hii na aa_ii ham bhii kasuu ke ho le hain

baag main vo Khvaab-aavar aalam mauj-e-sabaa ke ishaaron par
Daalii Daalii nauras patte sahas sahaj jab Dole hain

uf vo labon par mauj-e-tabassum jaise karavatain len kaunden
haay vo aalam jumbish-e-mizagaan jab fitne par tole hain

in raaton ko hariim-e-naaz kaa ik aalam hoye hai nadiim
khalvat me.n vo narm u.ngaliyaa.N ba.nd-e-qabaa jab khole hain

Gam kaa fasaanaa sunane vaalo aaKhir-e-shab aaraam karo
kal ye kahaanii phir chhe.De.nge ham bhii zaraa ab so le hai.n

dekhte dekhte utar bhi gaye

dekhte dekhte utar bhi gaye
un ke teer apna kaam kar bhi gaye
husn per bhi kuch aa gaye ilzaam
go bahut ahl-e-dil ke sar bhi gaye
yun bhi kuch ishq nek naam na tha
loag badnaam usko kar bhi gaye
kuch pareeshaan se the bhi ahl-e-junoon
gesoo-e-yaar kuch bikhar bhi gaye
aaj unhein meherbaan sa paakar
khush hue aur jee mein dar bhi gaye
ishq mein roth kar do aalam se
laakh aalam mile jidhar bhi gaye
huun abhi gosh pur sadaa aur wo
zer-e-lab keh ke kuch mukar bhi gaye

Kathin hai rahahguzar thori dur saath chalo

kathin hai raahguzar thorii duur saath chalo
bahut kaRaa hai safar thoRii duur saath chaalo

tamaam umr kahaaN ko’ii saath detaa hai
maiN jaantaa huuN magar thoRii duur saath chalo

nashe meN chuur huuN maiN bhii tumheN bhii hosh nahiin
baRaa mazaa ho agar thoRii duur saath chalo

ye ek shab kii mulaaqaat bhii Ghaniimat hai
kise hai kal kii Khabar, thoRii duur saath chalo

abhii to jaag rahe haiN chiraaGh raahoN ke
abhii hai duur sahar thoRii duur saath chalo

tavaaf-e-manzil-e-jaanaaN hameN bhii karnaa hai
“Faraz” tum bhii agar thoRii duur saath chalo

Uljhan Tammam Umr

uljhan tamaan umr ye taar-e-nafas meN thii !
dil kii muraad aashiquii meN yaa havas meN thii !

dar thaa khulaa, pe baiThe rahe par sameT kar
karte bhii kyaa ke jaa-e-amaaN hii qafas meN thii !

sakte meN sab chiraaGh the, taare the dam-baKhud !
maiN us ke iKhtiyaar meN vo mere bas meN thii

ab ke bhii jamii hu’ii hai ye aaNkhoN ke saamne
KhvaaboN kii aik dhuNdh jo picchle baras meN thii

kal shab to us kii bazm meN aise lagaa mujhe !
jaise ke kaaynaat merii das-taras meN thii

mehfil meN aasmaaN kii, bole ke chup rahe
“Amjad” sadaa zamiin isii pesh-o-pas meN thii

Khawab Nagar

Khvaab-nagar hai aaNkheN khole dekh rahaa huun
us ko apnii jaanib aate dekh rahaa huun

kis kii aahaT qarya qarya phail rahii hai
diivaaroN ke rang badalte dekh rahaa huun

kaun mire jaaduu se bach kar jaa saktaa hai!
aaiinaa huuN, sab ke chehre dekh rahaa huun

darvaaze par tez havaaoN kaa pahraa hai
ghar ke andar chup ke saaye dekh rahaa huun

jaise meraa chehraa mere dushman kaa ho
aaiine meN Khud ko aise dekh rahaa huun

manzar manzar viiraanii ne jaal taane hain
gulshan gulshan bikhre patte dekh rahaa huun

manzil manzil hol meN Duubii aavaazeN hain
rastaa rastaa Khauf ke pahre dekh rahaa huun

shah’r sangdlaal (?) main “Amjad” har raste par
aavaazoN ke patthar chalte dekh rahaa huun
Aaj jo Tanha hai Woh Pardes Mein
Zaroor Mujh ko us Ney Socha ho ga

Khuvabon aur Khyaalon Mein
Mera hi Chehra Tarasha Ho ga

Raah Chaltey jo us ko
Mera khyaal Aaya Ho ga

Aik Nazar Ruk ke Asmaan Pe Chand ko Dekha Ho ga
Jab Saath They to Roz hi larti Thi Mujh sey

Ab Din Mein so Baar khud peh Bigarti Ho gi
Mail Box Kholtey hi Naam mera Dhondti Ho gi

Aur na Pa ke Mujhey
Aap hi Aap Mujh sey Roth ti Ho gi


Zaror Masrof Hon buhat ya koi Test hai Mera
Tawelein Ghurr ke khud hi Behal ti Ho gi


Tanha Sard Raat Mein
Yuon hi Sarak peh Tehaltey Huvey


Khyaalon hi Khyaalon Mein
Haath us ney Mera Thama Ho ga

Phir Kisi Pool ke Nechey Ruk kar
Aankhon Mein Mere us ney Jhaanka Ho ga

Ruk ruk k bar baar barasti hain aj bhi

Mein to pehlay hi bura hon mein to hon badnam bhi
tu bhi meray naam kar day, apna har ilzam bhi,

Kaisay khat likhnay k waday, kaisi mulaqatain,
woh to shayud bhool hi jayen jaa kar tera naam bhi,

Yadain teray sulook ki dasti hain aaj bhi,
Milnay ki arzo mein tarasti hain aaj bhi,

Ankhain hazar sabar ki koshish k bawajood,
Ruk ruk k bar baar barasti hain aj bhi