Wednesday, June 24, 2009

Niyyat-e-Shauq Bhar Na Jae Kahin

niyat-e-shauq bhar na jaaye kahiin
tuu bhii dil se utar na jaaye kahiin

aaj dekhaa hai tujh ko der ke baad
aaj kaa din guzar na jaaye kahiin

na milaa kar udaas logoN se
husn teraa bikhar na jaaye kahiin

aarzuu hai ki tuu yahaan aaye
aur phir umar bhar na jaaye kahiin

jii jalaataa huun aur sochtaa huun
raaegaan yah nahar na jaaye kahiin

aao kuchh der ro hii len naasir
phir yah daryaa utar na jaaye kahiin

No comments:

Post a Comment