husn ko dil meN chhupaa kar dekho
dhyaan kii shamaa jalaa kar dekho
kyaa khabar koii dafiinaa mil jaaye
koii diivaar giraa kar dekho
faakhtaa chup hai baDii der se kyuuN
saro kii shaakH hilaa kar dekho
nahar kyuun so gaii chalte chalte
koii patthar hii giraa kar dekho
dil meN betaab hain kyaa kyaa manzar
kabhii is shahar meN aa kar dekho
in andheron men kiran hai koii
shabzadon aankh uThaakar dekho
If it didn't Bring you joy...
15 years ago
No comments:
Post a Comment