Khaar-o-Khas to uTheN, raastaa to chale
maiN agar thak gayaa, qaaflaa to chale
chaaNd, suuraj, buzurgoN ke naqsh-e-qadam
Khair bujhne do unko havaa to chale
haakim-e-shahar, yah bhii koii shahar hai
masjideN band haiN, maikadaa to chale
usko mazhab kaho yaa siaasat kaho!
Khudkushii ka hunar tum sikhaa to chale
itnii laasheN maiN kaise uthaa paaunga
aap iinton kii hurmat bachaa to chale
belche laao, kholo zamiiN ki tahen
main kahaaN dafan huun, kuchh pataa to chale
If it didn't Bring you joy...
15 years ago
No comments:
Post a Comment