Quran haatho.n me.n leke naabiinaa ek namaazii
labo.n pe rakhataa thaa
dono.n aa.Nkho.n se chuumataa thaa
jhukaake peshaanii yuu.N aqiidat se chhuu rahaa thaa
jo aayat.n parh nahiin sakaa
un ke lams mahasuus kar rahaa ho
mai.n hairaa.N-hairaa.N guzar gayaa thaa
mai.n hairaa.N hairaa.N Thahar gayaa huu.N
tumhaare haatho.n ko chuum kar
chhuu ke apanii aa.Nkho.n se aaj main ne
jo aayate.n pa.D nahii.n sakaa
un ke lams mahasuus kar liye hai.n
If it didn't Bring you joy...
15 years ago
No comments:
Post a Comment